சொல்றோம்ல: டபாய்க்கிறே?

சென்னைத் தமிழ் சற்றேனும் நீங்கள் அறிவீர்கள் ஆனால் "டாய்...டபாய்க்கிறே!" என்று பலரும் திருவாய் மலர்ந்தருள கேட்டிருப்பீர்கள். டபாய்க்கிறே என்பது ஏமாற்றுவதைக் குறிப்பதாகத் தலைநகரில் வழங்கப்படுகிறது. என்ன அது "டபாய்க்கிறே".

திருவல்லிக்கேணி அக்பர் சாஹிப் தெருவில் நான் படித்த இந்தி வகுப்பில், மலையாளத்தைத் தாய்மொழியாகக் கொண்ட நாராயணன் சார் பல ஆண்டுகளுக்கு முன் கொடுத்த விளக்கம். டபாய்க்கிறே என்று வெறுமனே சொல்வது இப்போது நடைமுறையில் உள்ளது. ஆனால் இதன் முன்னோடி "ஏன் டபாய்க்கிறே?".

"ஏன் டபாய்க்கிறே?" = "ஏண்டா அப்பா ஏய்க்கிறே?". இவ்வளவு ஏக்கமாகக் கேட்கும் அளவுக்கு யாரும் இப்போது டபாய்ப்பது கிடையாது என்பது வேறு விஷயம்.

"சொல்றோம்ல" என்ற தலைப்பில் பல வழிகளில் அறிந்ததை வரும் நாட்களில் வழங்குவேன்.