திருவாசகத்துக்கு உருகியவன்

நல்லிசை நாடும் இவ்வுலகம் உம்மிசையதனில்
திளைத்து எழும்-மாந்தர் இம்மைக்குண்டு
திரையிசை தான் எவ்விசையோ மறுமைக்கும்
எனஐயன் ஈசனவன் அருள்பெற்று அருட்தந்தை
துணைகொண்டு திருவான வாசகத்தை
உம்மிசை கேட்டு வளர்ந்த வெம்மை
வாழ்வாங்கு வாழ்விக்க அருந்தவ்மே தான்
புரிந்து ஈன்று எமக்கு அளித்தீரோ?

நான் என்றும் எனது என்றும்
தான் என்றும் தனது என்றும்
தன்னுண்மை தன்மை யறியா திறுமாந்து
இருந்தோம் யாம்! மாணிக்கர் தம்
பண்குழைத்த உம்முயர் இசை அமுது
அதனால் இறைவன் உறை இருதயத்தின்
ஈரம் தனை கண்டோமே! மொழி
இலா பேரின்பம் தனை கொண்டோமே!

ஆழ்கடலின் ஆழத்தினும் அளவிலாத ஆசையுடன்
ஏங்கும் உந்தன் தொண்டர் மனம்
எம்மிசை இறைவன் ஆட்சியிலே ஒருமுறையோ
பேரின்பம் பன்முறையுன் வரம் வேண்டி
இறைஞ்சுகிறார் பலகோடி அவர் தமக்கு
அருள்புரிய பிறப்பறுக்கும் நல்லிசை யதனை
பற்பலவும் படைத்திடுவாய்! பிறந்து விட்ட
இப்பிறப்பின் பொருள தனையாம் அறிய!

(சிம்பொனி இசையில் திருவாசகத்தை கேட்டு உருகியது)